Таалагдах албагүй...

Би чамд хайртай 2-г үзээд үнэхээр би харамслаа. Энэ хэдэн саяыг олсон ч бай, хэн ч хийсэн бай үзсэн бүх хүмүүсээс өөлөх нь илүү байгаа гэдэгт би итгэлтэй байна. Шулуухан хэлэхэд ингэж кино бузарласны оронд хийгээгүй мөрөөрөө мө...... унжуулаад явж байсан нь дээр. Монголд ер нь хүн чанар гэж зүйл алга. Мөнгө л олж байвал юуг ч эвдээд, яаж ч сүйтгээд хамаагүй бузарладаг болж. Манайхан хэтэрхий их солонгос кино ширтсээр байгаад харь орны уур амьсгал үнэртэж байна. Дээр нь алдаа гэж тоймгүй их. Арай ч дээ гэж уулга алдмаар. Хамгийн нэгдүгээрт анзаарагдсан зүйл нь ивээн тэтгэгч нар үзэгчидээ чимхэж рекламаа хийж байгаа нь таалагдсангүй. Юнител, Пепси, АПУ гэх мэт бүтээгдэхүүнүүд дандаа үзэгдэнэ. Утас бүхэн ногоон зүүлттэй, ууж буй ундаа бүр пепси, хагалж байгаа пивоны шил болгон Боргио юм уу хайшаа юм. Битгий ингэж шааж бай л даа хүүрнүүдээ. Хөвсгөлөөс хот зүглэж үзээгүй шалдан банди брэнд хувцастай, хүзүүндээ шивээстэй байж таарах уу? Хөвсгөлд эсвэл сайн гээчийн хувцасны бутик, шийвээсчид байдаг юм уу? Энийг асуудлыг Мөрөн хотын мисс бүсгүй Бэхэрэ эгчээсээ асууцгаана биз. Таксин дотор Туяахүү ах утсаа шидүүлчихээд зогсоод авахгүй энэ тэр үнэн саак баян ах аа. Амьдралд ойрхон хийх нь кинонд байх ёстой зүйлийн нэг. Хэтэрхий тасархай байвал тамшааж үзэх хүн хэд байх бол доо? Тамшаалсны дараа давтаж үзэх нь битгий хэл дурсмааргүй кино байна лээ. За тэгээд батгана суусан газар өттэй гэгчээр Хангай гэдэг ханхар залуу гарч ирэхээр л нэг проблем үүсч боевик байдал гарна. Харин Дамчаа агсны хэлсэн үг үнэхээр юм бодогдуулсан шүү. Зүс царай нь ч нилээн явсан харагдана лээ удаагүй дээ хөөрхий. Өскө, Эби бол сайн жүжиглэсэн, тэр хүмүүсээс тийм чадал гарсанд нь баярлах хэрэгтэй. 25-тай хирнээ дээд сургуулиа төгсөөгүй, хаа сайгүй түнтэгнэж ээждээ эрхлэх энэ хүүхэн надад таалагдсангүй. Нүүрний том, нүдний жижгийг ч хэлэх үү чаавас. Махлаг мангар охиноо тэжээх гэж Үрлээ аниа турсан байна лээ. За тэгээд таван үг тухтай сольж үзээгүй Мэндээ хүү тансаг костюм углаад Золбоо хүүхний төрсөн өдөр дээр “Би чамд хайртай” гээд хэлээ наасон. Ёо ёо хэзээ ийм хөнгөмсөг явдал, хаана гарч байсан юм бэ? Маш удаан хэмжээнд нарийн гаргах ёстой хайр дурлалын синхромыг хурдан хугацаанд хүчиндэж гаргасан найруулагч буруутай юу? Эсвэл ахмад залуу жүжигчид, алиа зохиол тэрлэсэн зохиолчдын алдаа юм уу? Аливаа зүйлд хүн мөнгөө төлсөн бол сэтгэл ханамжийн баталгаа гэдэг зүйл эдлээд гардаг юм. Харин би мөнгөө нэхэж авмаар байна. Ингэж бузарласан кино, буртаг нь арилаагүй бацааны дурлал харж байсны оронд траншейны хүүхдэд таван чихэр аваад өгсөн нь хамаагүй дээр. Бандгар Баатар найруулагч саяхан туулын эрэг дээр зарагдахгүй байсан 360м² бүхий хувийн байшин авсан байх юм. Ард түмний арайхийж олсон арав таван цаасыг тэмтэрсэндээ сэтгэл ханаад танкан нүүртэй тарган авгайтайгаа тансагхан амьдрахаар зэхээ биз дээ. Энэ кино ямар их ашиг олсон нь тодорхой байна л дөө. 360м² байшингийн 1м² үнэ нь 1300 ам.доллар гээд бодохоор хэдэн янчаан гарч байна? За яахав чадаж байгаа юманд арга байхгүй. Хуучны жүжигчид байсан тулдаа амаа хамхиад гарч байгаа үзэгчидэд баярлах хэрэгтэй. Брэнд болсон киног хальсаар биш видео хэмжээнд хийсэн Баатар студийн хамт олон яллаа. Баяр хүргэе танай хамт олонд.

Америк хөл бөмбөгийг шавхайн дунд хамгаалалтын өмсгөлгүй дэлхий дээр ганцхан Монгол хүн л тоглоно тэ? （Бахархая цөмөөрөө）

Болд бол ерөөсөө ч жүжиглэж чадахгүй байсан хэтэрхий их биеэ бариад байв уу даа хөөрхий. （Өрөвдөе бүгдээрээ）

Инээж буй энэ тэр бол ерөөсөө л нэг тийм хиймэл төрх. （Ичье бултаараа）

Энэ тэгээд 25-тай хүүхэн үү? Арай хөгшин юм биш үү? （Санаа зовъё хамуудаа）

Золбоогийн нүүр дэлгэц дүүрээд л сайхан харагдаж байна шүү лүд гэж. （Дэлгэц эвдрэх вий дээ цус гэж）

Хэн нь залуухан харагдаж байна? （Мэдээжийн юм асуухиймаа）

Дархадын хүүд шивээс нь сайхан зохижээ. （Хөвсгөл явж хийлгэдэг ч юм уу?）

Элбэгдорж гуай кинонд тоглодог нь ёстой илүү шүү. Улстөрч хүн ялангуяа улсын ерөнхийлөгч хүн ингээд дарвайх завтай явж байна уу? Цаана чинь ханиад хамхай, утаа униар гээд шийдэх асуудал зөндөө байна шүү. （Арай ч дээ эсэргүүцье ард түмээн）

Юнителийн ногоон уутыг ёолкны тоглоомон цасаар хаасан нь яаамай даа. Ногоон өнгө харахаас л дургүй хүрээд байсныг хэлэх үү. （Залхая олуулаа）